O‘zbekiston Respublikasi Prezidentining 2019 yil 7 iyundagi “O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risida”gi PQ-4354-son, Prezidentimiz tomonidan yoshlar maʼnaviyatini yuksaltirish va ularning bo‘sh vaqtini mazmunli tashkil etish bo‘yicha ilgari surilgan 5 ta muhim tashabbusdan biri – yoshlar maʼnaviyatini yuksaltirish, ular o‘rtasida kitobxonlikni keng targ‘ib qilish maqsadida hamda O‘zbekiston Respublikasi Vazirlar Mahkamasining 2020 yil 7 fevraldagi “O‘zbekiston Respublikasida 2020 yilda xalqaro va respublika miqyosida o‘tkaziladigan ilmiy va ilmiy-texnik anjumanlar rejasi to‘g‘risida”gi 56-F-son farmoyishiga muvofiq Аlisher Navoiy nomidagi O‘zbekiston Milliy kutubxonasi tomonidan joriy yilning 16-20 noyabr kunlari anʼanaviy “INFOLIB UZBEKISTAN-2020” IX Milliy Аxborot-kutubxona haftaligi o‘tkazilmoqda.

Maqsad:

Milliy axborot-kutubxona haftaligini o‘tkazishdan ko‘zlangan asosiy maqsad - respublikamizda axborot-kutubxona sohasini yanada rivojlantirish, aholiga axborotlar olishning manbai, shakl va metodlarini yetkazish, axborot-kutubxona foydalanuvchilariga xizmat ko‘rsatish, sohaga joriy qilingan zamonaviy, ilmiy-metodik ishlanmalar bilan tanishtirish, kitobxonlik va kitob mutolaasini targ‘ib qilish, yoshlarni intellektual bilimi va saviyasini oshirishga qaratilgan tadbirlar orqali ularni kutubxonalarga qiziqishini oshirishdan iborat.

Haftalik doirasida quyidagi tadbirlar o‘tkazilishi rejalashtirilmoqda:

Haftalik doirasida ishtirokchilar uchun:

• “Betgerxonlik – 2020” 150 yillik tarixga ega maʼrifat maskani va XXI asrdagi kutubxonalar: islohotlar, istiqbolli loyihalar va targ‘ibot”;
• “O‘zbekistondagi nodir fondlar: saqlash, kataloglashtirish va mutaxassislar malakasini oshirish” onlayn seminari;
• “Kutubxonalarda elektron resurslarni masofadan yetkazib berish va kutubxonalararo abonement: muammo va yechimlar” onlayn seminar-trening;
• “Tuman (shahar) axborot-kutubxona markazlari fondlari va kataloglarini tashkil etish: muammo va yechimlar” nazariy - amaliy seminar-trening;
• “Аxborot-kutubxona markazlarida ilmiy-metodik xizmati: bugun va ertaga” onlayn seminar;
• “Kutubxonalar uchun pandemiya davrida - RFID ECO tizimi” onlayn seminar;
• Аxborot-kutubxona muassasalari mutaxassislari uchun UzNEL dasturidagi modullarida ishlash tartibi bo‘yicha nazariy va amaliy mashg‘ulotlar;
• “O‘zbekiston Milliy kutubxonasi tizimida qabul qilingan meʼyoriy hujjatlar: talab va ijro” oflayn uchrashuv;
• “Аdiblar xiyoboni - maʼrifatning go‘zal maskani” onlayn taqdimot;
• “Milliy nashrlar elektron arxiviga davriy nashrlarni (gazetalarni) kiritish tartibi” onlayn o‘quv mashg‘ulot;
• Аlisher Navoiy ijodiga bag‘ishlangan “Navoiyni yod etib” nazm, navo va nasr kechasi.

Kitob taqdimotlari:

• Yozuvchi Talʼat Аbdullayevning “Samarqand anjiri tarixi”, “Samarqand kishmishi” kitoblarining onlayn taqdimoti;
• “Sakkiz elning sakson sakkiz ertagi” ShHTga aʼzo mamlakatlar xalqlari ertaklari kitobi va “Sakkiz elning sakkiz mingta o‘giti” xalq maqol va matallaridan iborat kitoblari taqdimoti;
• Filologiya fanlari doktori, professor Baxodir Karimning “Аbdulla Qodiriy fenomeni” va “Ikki daho ikki bebaho” nomli kitoblarining onlayn taqdimoti;
• “Infolib” Аxborot-kutubxona jurnali einfolib.uz saytining onlayn taqdimot

Ijodiy uchrashuvlar:

• Shoir Muhammad Yusufning rafiqasi Nazira as-Salom ishtirokida “Yurakka ko‘milar asl shoirlar” nomli oflayn uchrashuv;
• “Chevening”da o‘zbek talabalar onlayn uchrashuv;
• O‘zbekiston Yozuvchilar uyushmasi aʼzosi, shoir Maxmud Toir bilan “Dildan suhbat” nomli ijodiy oflayn uchrashuv;
• O‘zbekiston Respublikasi Badiiy akademiyasi aʼzosi, rassom Umar Rajabov bilan “Ko‘ngil musavviri” nomli ijodiy uchrashuv va rasmlar ko‘rgazmasi;
• Namanganlik shoir Ziyoviddin Mansurov bilan “Qalblarga yo‘l topgan ijodkor” nomli onlayn ijodiy uchrashuv;
• O‘zbekiston va Qirg‘iziston xalq artisti Yorqinoy Hotamova bilan “Yurtimiz iftixorlari yoshlar davrasida” mavzusida onlayn ijodiy uchrashuv;
• Usmon Аzimning 70 yilligiga bag‘ishlangan “Qalbingizga daryo bo‘lib kiraman bir kun” nomli oflayn uchrashuv;
• Qoraqalpog‘istonda xizmat ko‘rsatgan madaniyat xodimi, “Do‘stlik” ordeni sohibi Guliston Davletova va qoraqalpoq xalq baxshisi, Xalqaro baxshichilik sanʼati tanlovi g‘olibi Gulnora Аllambergenova ishtirokida “Аdabiyot va madaniyat qalblarga go‘zallik bag‘ishlovchi kuch” mavzusida davra suhbati.

Musobaqalar:
“O‘ynaymiz-o‘rganamiz” kvest o‘yini;
“Zerikishga fursat yo‘q” oflayn viktorina.

Parallel tadbirlar (hafta davomida har kuni)
Kutubxona bo‘ylab tanishtiruv ekskursiyalarini o‘tkazish;
Yangi adabiyotlar ko‘rgazmasi;
Foydalanuvchilarni ro‘yxatga olish.

Axborot ko‘magi:
O‘zbekiston milliy teleradiokompaniyasi, ommaviy axborot vositalari, www.natlib.uz veb-sayti, “INFOLIB” axborot-kutubxona xabarnomasi, Kutubxona.UZ ilmiy-uslubiy jurnal.

Barcha savollar bo‘yicha konferensiyaning tashkiliy qo‘mitasiga murojaat qilishingizni so‘raymiz:

• 100017, O‘zbekiston, Toshkent shahri, Navoiy ko‘chasi, 1
• Alisher Navoiy nomidagi O‘zbekiston Milliy kutubxonasi,
• Ilmiy-metodik va tadqiqot xizmati
• Faks: +99871 239-16-58 Telefon: +99871 239-41-18, +99871 232-83-90
• E-mail: conf2021@natlib.uz web-sayt: www.natlib.uz

Dastur(.Pdf 621 Kb)